Старшыня КНР Сі Цзіньпін у аўторак заклікаў да сумеснай пабудовы супольнасці з адзіным лёсам, якая падзяляе ўсеагульную бяспеку. З такім заклікам лідар КНР звярнуўся да ўдзельнікаў 86-й сесіі Генеральнай асамблеі Інтэрпола.
"Кітай гатовы разам з іншымі дзяржавамі, іх праваахоўнымі органамі і іншымі міжнароднымі арганізацыямі прыкладаць сумесныя намаганні для пабудовы супольнасці з адзіным лёсам", - сказаў кіраўнік кітайскай дзяржавы на адкрыцці сесіі.
Сі Цзіньпін вылучыў прапанову з чатырох пунктаў для ўзмацнення міжнароднага супрацоўніцтва ў сферы праваахоўнай дзейнасці і бяспекі. Па-першае, неабходна працягваць супрацоўніцтва і сумеснае будаўніцтва ў мэтах дасягнення доўгатэрміновай бяспекі; па-другое, прытрымлівацца рэформ і інавацый для сумеснага кіравання; па-трэцяе, адстойваць дух вяршэнства закона ў імя дасягнення роўнасці і справядлівасці; па-чацвёртае, імкнуцца да ўзаемнай выгады ў інтарэсах забеспячэння балансу.
86-я сесія Генеральнай асамблеі Інтэрпола праходзіць у кітайскай сталіцы з 26 па 29 верасня. - Р -