Кітайская карпарацыя Alibaba Group сёння абвясціла аб заснаванні новага даследчага цэнтра і ўкладанні больш за 100 млрд. юаняў /каля 15 млрд долараў ЗША/ у развіццё перадавых тэхналогій на працягу бліжэйшых 3 гадоў.
Заснаваная Alibaba Group акадэмія DAMO будзе прыцягваць сусветныя таленты ў такіх галінах, як квантавыя вылічэнні, машыннае навучанне, базавыя алгарытмы і сеткавая бяспека. Абрэвіятура DAMO расшыфроўваецца як "discovery, adventure, momentum, outlook " /"адкрыццё, прыгода, імпульс, перспектыва"/.
Акадэмія ўжо ўстанавіла партнёрскія сувязі з больш чым 200 даследчымі інстытутамі і ўніверсітэтамі і пачала ствараць філіялы ў Азіі, Амерыцы і Еўропе.