Навукоўцы з шэрагу раёнаў Кітая ў чацвер у горадзе Ханчжоу, адміністрацыйным цэнтры правінцыі Чжэцзян на ўсходзе Кітая, прэзентавалі першы ў краіне інтэграваны 3D-біяпрынтэр высокай прадукцыйнасці.

Новая прылада, як адзначыла група экспертаў па тэхнічнай ацэнцы важных дзяржаўных праектаў даследаванняў і распрацовак, сведчыць аб тым, што Кітай дасягнуў перадавога сусветнага ўзроўню ў галіне трохмернага арганнага біядруку.

Навуковым кіраўніком праекта стаў прафесар Сюй Мін'энь, старшыня праўлення Ханчжоўскай біятэхналагічнай кампаніі Regenovo. Паводле яго слоў, пры распрацоўцы 3D-біяпрынтэра выкарыстоўваліся многія інавацыйныя тэхналогіі. Дзякуючы прыладзе стане магчымай масавая вытворчасць біяматэрыялаў

Як паведаміла дацэнт Ханчжоўскага электратэхнічнага ўніверсітэта Ван Лін, у прыладзе выкарыстоўваецца ўнікальны метад атрымання малюнка, вынайдзены кітайскімі навукоўцамі. Укараненне названай тэхналогіі дазволіць эфектыўна кантраляваць якасць біялагічных канструкцый.

Тэхналогіі 3D-біяпрынтэра, як мяркуецца, будуць адыгрываць важную ролю не толькі ў вырошчванні органаў, але і ў распрацоўцы медыцынскіх інструментаў і, асабліва, новых лекавых сродкаў.