Афіцыйны прадстаўнік МЗС КНР Хуа Чуньін на чарговай прэс-канфэрэнцыі заявіла, што Кітай высока шануе рашэнне Іспаніі аб перадачы кантынентальнаму Кітаю тайванцаў, якія падазраюцца ў здзяйсненні тэлекамунікацыйных махлярстваў.
Вядома, што 16 снежня суд Іспаніі вынес рашэнне аб перадачы Кітаю 121 кітайца з кантынентальнай часткі Кітая і тайваньскага суайчынніка. Яны былі затрыманыя ў Іспаніі ў канцы мінулага года. Суд заявіў, што Іспанія паважае прынцып аднаго Кітая.
Хуа Чуньін у каментарыі заявіла, што Кітай вітае рашэнне Іспаніі, гэта з'яўляецца важным вынікам барацьбы Кітая і Іспаніі са злачыннасцю на аснове супрацоўніцтва ў рамках дамовы аб экстрадыцыі. Кітай высока шануе захаванне Іспаніяй прынцыпу аднаго Кітая і яе рашэнне аб перадачы кантынентальнай частцы Кітая злачынцаў з Тайваня.
"Паліцыя Кітая і Іспаніі захоўваюць цеснае супрацоўніцтва па сумеснай барацьбе з тэлекамунікацыйным і кібермахлярствам, звязаным з Кітаем. Мы маем намер сумесна з Іспаніяй рэальнымі дзеяннямі абараняць законныя інтарэсы народаў дзвюх краін", - дадала яна.