Дзяржаўны камітэт па справах развіцця і рэформаў / ДКРР / КНР сёння абвясціў аб афіцыйным запуску нацыянальнай сістэмы гандлю квотамі на выкіды вугляроду, дадзены прарыў адбыўся ў галіне генерацыі электраэнергіі.
ДКРР сёння ў другой палове дня правёў прысвечаную працы па запуску нацыянальнай сістэмы гандлю квотамі на выкіды вугляроду селектарную відэа-канферэнцыю для падрыхтоўкі ўсямернай рэалізацыі "Плана па будаўніцтве нацыянальнага рынку гандлю квотамі на выкіды вугляроду / электраэнергетычная галіна /". Пасля селектарнай нарады ДКРР і народныя ўрады 9 правінцый і гарадоў, уключаючы Пекін, Цяньцзінь, Шанхай, Цзянсу, Фуцзянь, Хубэй, Гуандун, Чунцін і Шэньчжэнь, сумесна падпісалі пагадненне аб прынцыпах супрацоўніцтва ў працы па будаўніцтве, эксплуатацыі і тэхнічным абслугоўванні нацыянальнай сістэмы рэгістрацыі квот на выкіды вугляроду і гандлю гэтымі квотамі.
На прэс-канферэнцыі, якая адбылася пасля гэтага, намеснік кіраўніка ДКРР Чжан Юн паведаміў, што запушчаная нацыянальная сістэма гандлю квотамі на выкіды вугляроду і будаўніцтва нацыянальнага рынку гэтых квотаў з'яўляюцца важнай сістэмай і інавацыйнай практыкай для кантролю і скарачэння выкідаў парніковых газаў за кошт рыначных механізмаў, а таксама для садзейнічання зялёнаму і нізкавугляроднаму развіццю.