Як паведаміў сайт «Хуаньцюван», у Кітаі завяршылася самая вялікая праца па разьбе на чорным дрэве, над якой працавалі больш за 600 майстроў на працягу 14 гадоў. Разьбяныя скульптуры падзелены на дзве групы: «Культуру, якая зарадзілася ў даліне Хуанхэ» і «Культуру, якая зарадзілася ў даліне ракі Янцзы». Дзве гэтыя кампазіцыі паказалі геаграфію, навуку, культуру, рэлігію, народныя звычаі, працу, ўборы і ўпрыгажэнні, мастацтва і іншыя аспекты развіцця кітайскай культуры за пяць тысяч гадоў.
Разьба была выкананая на абодвух баках драўлянай паверхні даўжынёй 1,8 км і вышынёй 2,7 м. На выкананне ўсёй працы было выдаткавана звыш мільярда юаняў. - Р -