Кітайская аўтамабільная група Zhejiang Geely Holding Group у сераду абвясціла аб куплі 8,2-працэнтнай долі шведскага канцэрна AB Volvo ў інвестфонда Cevian Capital. Ужо заключана адпаведнае пагадненне, па якім Geely выкупіць 88,47 млн акцый класа "A" і 78,77 млн акцый класа "B". У выніку Geely стане найбуйнейшым акцыянерам Volvo і будзе валодаць 15,6% акцый кампаніі.
AB Volvo з'яўляецца вытворцам грузавых аўтамабіляў, аўтобусаў і рухавікоў. Кампанія са штаб-кватэрай ў шведскім Гётэборгу і амаль 100-тысячным персаналам мае вытворчыя цэхі ў 18 краінах.
У 2010 годзе Geely купіла аўтамабільную кампанію Volvo Car Group, якая ўваходзіла раней у AB Volvo. Па выніках 2017 года продаж аўтамабіляў Volvo Car Group у Кітаі пераваліў за 100 тыс. адзінак. - Р -