У 10 гадзін раніцы па мясцовым часе ў Доме міру ў Пханмунджоме пачаліся перамовы паміж Рэспублікай Карэя і КНДР на высокім узроўні для абмеркавання пытанняў удзелу дэлегацыі КНДР у зімовай Алімпіядзе ў Пхенчхане і паляпшэння міждзяржаўных адносін.
Гэта першыя міжурадавыя перамовы двух бакоў пасля сустрэчы ў снежні 2015 года на ўзроўні намеснікаў міністраў. Для ўдзелу ў перамовах дзве краіны накіравалі па пяць прадстаўнікоў. Дэлегацыю РК узначальвае міністр па справах нацыянальнага аб'яднання РК Чо Мен Гюн, а кіраўнік дэлегацыі КНДР – старшыня Камітэта па мірным аб'яднанні радзімы КНДР Лі Сон Гвон. - Р -