З пятніцы смог накрые Пекін і суседнія правінцыі. Пра гэта паведаміў Кітайскі нацыянальны цэнтр маніторынгу навакольнага асяроддзя.

У рэгіёне Пекін-Цяньцзінь-Хэбэй, а таксама ў правінцыях Шаньдун, Шаньсі, Хэнань смог будзе асабліва моцным з 12 па 17 студзеня.

Сёння апублікаваны «аранжавы» ўзровень папярэджання аб забруджванні паветра ў Пекіне і Цяньцзіне на бліжэйшыя дні. Дзецям і пажылым людзям рэкамендуецца заставацца дома. Некаторыя будаўнічыя мерапрыемствы будуць прыпынены, а цяжкія транспартныя сродкі прыбраны з дарогі.

"Аранжавае" папярэджанне будзе дзейнічаць для Пекіна з суботы да панядзелка, паведаміла служба экстранага рэагавання на забруджванне паветра. - Р -