81-гадовая кітаянка Сюэ Міньсю ў нядзелю атрымала дыплом аб заканчэнні Цяньцзіньскага ўніверсітэта. Дзеля гэтага доўгачаканага моманту яна старанна працавала некалькі гадоў.
"Я лічу, што сэнс жыцця ў тым, каб пастаянна ставіць перад сабой новыя задачы і самаўдасканальвацца, таму я хачу падзякаваць універсітэту за каштоўную магчымасць увасобіць у жыццё мару, ажыццявіць якую ў больш раннім узросце я не змагла", – сказала выпускніца на цырымоніі ўручэння дыпломаў.
Сюэ Міньсю паступіла ў Цяньцзіньскі ўніверсітэт на курс электроннай камерцыі па праграме дыстанцыйнай адукацыі ў сакавіку 2014 года, калі ёй было 77 гадоў. Фінальны экзамен ёй удалося здаць толькі з сёмай спробы. У выніку яе намаганні ўвянчаліся поспехам, яна атрымала дыплом.
81-гадовая жанчына валодае чатырма замежнымі мовамі: англійскай, французскай, рускай і латынню, яна таксама добра асвоіла такія праграмы, як Excel і Photoshop. Сюэ Міньсю захапляецца фатаграфіяй, катаннем на каньках і плаваннем. - Р -