Верталёт тайваньскай арміі, які перавозіў хворага ў горад Тайдун, мінулай ноччу ўпаў у мора. У выніку інцыдэнту шэсць чалавек, якія знаходзіліся на борце верталёта, прапалі без вестак. Сярод іх – тры члены экіпажа, хворы і адзін з яго сваякоў, а таксама медсястра. Пра гэта паведамілі тайваньскія СМІ.

Як распавялі сваякі хворага, прыкладна праз тры хвіліны пасля таго, як верталёт падняўся ў паветра, яго нос пачаў нахіляцца ўніз. Неўзабаве пасля гэтага верталёт знік з поля зроку. У кампетэнтнай службе Тайваня паведамілі, што раніцай у аўторак пошукава-выратавальная аперацыя ўсё яшчэ працягвалася. - Р -