Прэзідэнт Рэспублікі Карэя / РК / Мун Чжэ Ін адхіліў прапанову прэм'ер-міністра Японіі Сіндза Абэ аб больш хуткім аднаўленні амерыкана-паўднёвакарэйскіх ваенных вучэнняў. Пра гэта ў суботу паведамілі мясцовыя СМІ.
Сіндза Абэ адзначыў, што цяпер непадыходзячы час, каб адкладаць штогадовыя сумесныя ваенныя манеўры з ЗША.
Мун Чжэ Ін заявіў, што гэтае пытанне тычыцца суверэнітэту РК і з'яўляецца яе ўнутранай справай, адзначыўшы, што з боку прэм'ер-міністра Японіі было недарэчна наўпрост падымаць дадзеную тэму.
4 студзеня Мун Чжэ Ін і прэзідэнт ЗША Дональд Трамп падчас тэлефоннай размовы дамовіліся адкласці сумесныя ваенныя вучэнні з лютага на сакавік з нагоды зімовых Алімпійскіх і Паралімпійскіх гульняў.