Вялікабрытанія спадзяецца дасягнуць з ЕС "самага глыбокага і шырокага" гандлёвага пагаднення па Brexit, якое не ўяўляе пагрозы для сітуацыі з занятасцю ў дзяржаве. Пра гэта ў пятніцу заявіла прэм'ер-міністр краіны Тэрэза Мэй.
Выступаючы ў лонданскім Сіці, Т. Мэй адзначыла, што Вялікабрытанія спадзяецца дасягнуць з ЕС "больш глыбокага і шырокага пагаднення, чым любы дагавор аб свабодным гандлі ў свеце".
Кіраўнік урада выказала пяць прынцыпаў, якіх брытанскі бок прытрымліваецца ў перамовах па Brexit: пагадненне павінна адпавядаць вынікам рэферэндуму аб выхадзе з ЕС, быць трывалым, абараняць працоўныя месцы і бяспеку насельніцтва, адпавядаць імкненню Вялікабрытаніі стаць сучаснай і адкрытай краінай і ўмацаваць адзінства Злучанага Каралеўства.
Першы этап перамоваў па Brexit завяршыўся. На другім этапе бакі засяродзяцца на тэме гандлёвых адносін пасля выхаду Вялікабрытаніі з Еўрасаюза.