КНДР прадэманстравала гатоўнасць абмяркоўваць з ЗША дэнуклеарызацыю на Карэйскім паўвостраве і пагадзілася на трэцюю сустрэчу з Рэспублікай Карэя / РК / у канцы красавіка. Пра гэта ў аўторак на брыфінгу заявіў Чон Ый Ён, начальнік Упраўлення нацыянальнай бяспекі пры прэзідэнце РК.
Чон Ый Ён адзначыў, што КНДР прадэманстравала гатоўнасць шчыра абмяркоўваць з ЗША дэнуклеарызацыю і нармалізацыю адносін паміж Пхеньянам і Вашынгтонам.
Чон Ый Ён вярнуўся на радзіму пасля двухдзённага візіту ў Пхеньян, дзе ў панядзелак сустрэўся з лідарам КНДР Кім Чэн Ынам у суправаджэнні чатырох пасланнікаў, уключаючы дырэктара Нацыянальнай разведвальнай службы РК Со Хуна.