Стывен Хокінг быў выдатным вучоным і "змагаром за навуку", які ўпарта змагаўся з хваробай. Ён і ўнесены ім вялікі ўклад у навуку і чалавецтва будуць запомнены назаўсёды. Пра гэта заявіў у сераду афіцыйны прадстаўнік МЗС КНР Лу Кан.

Паводле паведамлення брытанскіх СМІ, Хокінг памёр 14 сакавіка ў сваім доме ў Кембрыджы ва ўзросце 76 гадоў.

На штодзённай прэс-канферэнцыі МЗС КНР Лу Кан нагадаў, што пры жыцці спадар Хокінг тройчы бываў у Кітаі. Ён клапаціўся пра развіццё і будаўніцтва Кітая, высока ацэньваў навукова-тэхнічны прагрэс у краіне. Ён выказваў вялікую цікавасць да кітайскай культуры і марыў падняцца на Вялікую кітайскую сцяну, што ў рэшце рэшт у яго атрымалася, дзякуючы яго памочнікам.

"Мы выказваем вялікі смутак у сувязі са смерцю спадара Хокінга і перадаем спачуванні яго родным. Спадара Хокінга і зроблены ім уклад будуць помніць заўсёды", - заявіў Лу Кан.