Афіцыйны прадстаўнік МЗС КНР Лу Кан на брыфінгу для журналістаў заявіў, што на працягу некаторага часу Кітай і ЗША падтрымліваюць кантакты па пытаннях ўрэгулявання гандлёва-эканамічных непаразуменняў, і Кітай спадзяецца, што бакі змогуць канструктыўнымі метадамі і належным чынам вырашыць іх.

Журналіст спытаў, што паколькі ЗША, як паведамляюць, патрабуюць ад Кітая скараціць станоўчае сальда гандлёвага балансу на 100 млрд долараў, ці прыме Кітай якія-небудзь меры ў адказ? Ці пачне ён дыялог з ЗША з нагоды скарачэння актыўнага сальда гандлёвага балансу і як дасягне гэтага?

Лу Кан адзначыў, што гандлёва-эканамічныя адносіны Кітая і ЗША, па сутнасці, узаемавыгадныя і ўзаемавыйгрышныя. За мінулыя 40 гадоў гандлёва-эканамічнае і інвестыцыйнае супрацоўніцтва абедзвюх краін прынесла значныя выгады народам і гандлёва-прамысловым колам Кітая і ЗША, у прыватнасці, прадставіла новыя працоўныя месцы і пашырыла рынак. "Калі б у гэтым супрацоўніцтве ў выйгрышы быў толькі Кітай, то я ўпэўнены, што кітайска-амерыканскія гандлёва-эканамічныя сувязі проста не змаглі б працягвацца да сённяшняга дня", - сказаў ён.

Лу Кан заявіў, што Кітай заўсёды надаваў асаблівае значэнне выкананню абяцанняў ў рамках знешнегандлёвага эканамічнага супрацоўніцтва. Кітай паважае правілы шматбаковага гандлю, якія заснаваныя на правілах Сусветнай гандлёвай арганізацыі. Кітайскі бок не пацерпіць аднабаковых "правілаў гульні" любой краіны, падкрэсліў прадстаўнік МЗС КНР.