Кітайская нацыянальная ядзерная карпарацыя / CNNC / у сераду абвясціла аб паспяховым завяршэнні работ па мантажы купала рэактара "Хуалун-1" на шостым энергаблоку АЭС "Фуцін" у правінцыі Фуцзянь на ўсходзе Кітая.

Мантаж купала рэактара быў завершаны 21 сакавіка ў 09:21, што на дзесяць дзён раней за намечаны тэрмін. Гэта азначае, што рэалізацыя праекта пераходзіць да фазы мантажу абсталявання, удакладнілі ў карпарацыі.

У маі мінулага года на АЭС "Фуцін" быў усталяваны купал рэактара "Хуалун-1" на пятым энергаблоку, які з'яўляецца першым у свеце генератарам на базе тэхналогіі "Хуалун-1".

Купал устаноўлены на энергаблоку для забеспячэння яго герметычнасці і абароны ад надзвычайных сітуацый.

Як паведаміў афіцыйны прадстаўнік карпарацыі Лю Бінь, купал дыяметрам 46,8 м. важыць 342 тоны. Ён складаецца са 147 сталёвых пласцін таўшчынёй 6 мм.