Кітай нязменна прытрымліваецца і імкнецца да ўрэгулявання гандлёвых спрэчак з дапамогай дыялогу і перамоў, заявіла ў аўторак афіцыйны прадстаўнік МЗС КНР Хуа Чуньін.
Такім чынам яна пракаментавала па просьбе журналістаў інфармацыю аб тым, што падчас кітайска-амерыканскіх кансультацый па гандлёвых пытаннях ЗША запатрабавалі ад Кітая скараціць тарыфы на амерыканскія аўтамабілі, купіць больш паўправаднікоў амерыканскай вытворчасці і пашырыць доступ да кітайскага рынку для амерыканскіх фінансавых кампаній.
"Кітай заўсёды прытрымліваецца прынцыпу рашэння гандлёвых рознагалоссяў і непаразуменняў шляхам дыялогу і перамоў, і дзверы заўсёды адчынены", – падкрэсліла Хуа Чуньін, дадаўшы, што дыялог і перамовы павінны праводзіцца на аснове ўзаемнай павагі і роўнасці.
"Вядома, знешняя адкрытасць павінна быць двухвектарнай. Спадзяёмся, што ЗША і іншыя краіны будуць таксама ствараць справядлівае бізнес-асяроддзе для ажыццяўлення ўсімі кампаніямі нармальнай інвестыцыйнай і камерцыйнай дзейнасці", – падкрэсліла прадстаўнік кітайскага знешнепалітычнага ведамства. - Р -