Прэзідэнт ЗША Дональд Трамп у панядзелак заявіў, што яго сустрэча з лідарам КНДР Кім Чэн Ынам адбудзецца ў траўні або пачатку чэрвеня.

Д. Трамп у Белым доме паведаміў журналістам, што амерыканскі бок наладжвае кантакты з КНДР: "Мы сустрэнемся з імі ў нейкі момант у траўні або на пачатку чэрвеня".

Прэзідэнт таксама выказаў спадзяванне, што Вашынгтон і Пхеньян змогуць дасягнуць пагаднення аб дэнуклеарызацыі Карэйскага паўвострава падчас двухбаковых перамоваў.

Некалькі афіцыйных асоб ЗША ў нядзелю адзначылі, што КНДР ужо ўступіла ў непасрэдны кантакт з амерыканскім бокам, Пхеньян паведаміў пра гатоўнасць Кім Чэн Ына абмеркаваць з Д. Трампам пытанне дэнуклеарызацыі Карэйскага паўвострава.