Кітайская эканоміка прадэманстравала добры старт у 2018 годзе: у першым квартале ВУП краіны вырас на 6,8% у параўнанні з тым жа перыядам мінулага года. Пра гэта сведчаць апублікаваныя ў аўторак даныя Дзяржаўнага статыстычнага ўпраўлення Кітая.
У першыя тры месяцы бягучага года ВУП Кітая склаў 19,88 трлн юаняў і павялічыўся ў супастаўных цэнах на 6,8% у гадавым выразе, застаўшыся нязменным у параўнанні з папярэднім кварталам.
"Гэта добры пачатак для кітайскай эканомікі", – сказаў на прэс-канферэнцыі афіцыйны прадстаўнік Дзяржстата Сін Чжыхун, адзначыўшы імпульс у развіцці, стабільны прагрэс у мадэрнізацыі і павышэнне якасці і эфектыўнасці эканомікі.
Паводле яго слоў, тэмпы росту ВУП на працягу 11 кварталаў захоўваліся ў межах 6,7-6,9%, пры гэтым узровень беспрацоўя і інфляцыі заставаўся стабільным. З пачатку года знешні гандаль Кітая становіцца больш збалансаваным, тэмпы росту імпарту перавышаюць тэмпы росту экспарту, скарачаецца актыўнае сальда знешняга гандлю, дадаў Сін Чжыхун.
Летась рост кітайскай эканомікі склаў 6,9%, дасягнуўшы максімальнага ўзроўню за апошнія сем гадоў. - Р -