Калі ЗША працягнуць ставіць пад пагрозу мультылатэралізм і свабодны гандаль, Кітай гатовы да гэтага і прыме меры для іх абароны. Афіцыйны прадстаўнік МЗС КНР Хуа Чуньін зрабіла гэтыя заўвагі на чарговай прэс-канферэнцыі.
"Кітай шмат разоў тлумачыў сваю пазіцыю", - сказала Хуа Чуньін, дадаўшы, што Кітай і ЗША павінны праяўляць узаемную павагу, ставіцца адзін да аднаго на роўных і імкнуцца да вынікаў, якія задаволяць два бакі.
Японія і Індыя на праведзеных на днях перамовах з Кітаем выказалі падтрымку шматбаковай гандлёвай сістэме і глабальнай сістэме свабоднага гандлю, ядром якой з'яўляецца Сусветная гандлёвая арганізацыя. Многія замежныя лідары выказалі падобныя меркаванні, паведаміла Хуа Чуньін.
Яна дадала, што 107 галіновых груп у ЗША выступаюць супраць плана амерыканскай адміністрацыі па ўвядзенні дадатковых тарыфаў на кітайскія тавары.
У адказ на апублікаванае ў "Твітэры" паведамленне прэзідэнта ЗША Дональда Трампа аб тым, што "Расія і Кітай вядуць гульню з дэвальвацыяй валюты", Хуа Чуньін адзначыла, што Кітай звярнуў увагу на даклад міністэрства фінансаў ЗША, згодна з якім ніхто з гандлёвых партнёраў ЗША не маніпулюе сваім абменным курсам.
"Падобна на тое, ЗША паслалі супярэчлівыя паведамленні", - сказала яна.