Кітай з 1 мая адменіць увазныя пошліны на 28 найменняў медыкаментаў. Як распавялі кар. «Сіньхуа» ў Міністэрстве фінансаў, нулявая пошліна распаўсюджваецца на пераважную большасць імпартных лекавых сродкаў, асабліва прэпараты ад анкалагічных захворванняў, якія фактычна ўжо імпартуюцца ў Кітай. Выключэнне складуць хіба што тыя, якія не вырабляюцца за мяжой, а таксама шэраг лекаў, якія ўтрымліваюць алкалоіды, падкрэслілі ў міністэрстве.
Раней Дзяржсавет, прымаючы рашэнне аб пераглядзе пошлін на імпарт медыкаментаў, аргументаваў яго неабходнасцю ўдасканальваць сістэму лекавага забеспячэння, падняць на больш высокі ўзровень нацыянальную медыцыну і павысіць дабрабыт насельніцтва ў гэтай сферы. - Р -