Афіцыйны прадстаўнік МЗС КНР Хуа Чуньін заявіла, што размяшчэнне на архіпелагу Наньша адпаведнага абсталявання не накіравана супраць якой-небудзь краіны. Тым, хто ненаўмысна апынецца на яго тэрыторыі, не варта турбавацца або баяцца чаго-небудзь. На чарговай прэс-канферэнцыі журналіст спытаў: "Як паведамілі амерыканскія СМІ, Кітай упершыню на архіпелагу Наньша размясціў ракетныя комплексы. Ці можаце вы пацьвердзіць гэтую інфармацыю?"

Хуа Чуньін заявіла, што Кітай валодае бясспрэчным правам суверэнітэту над архіпелагам Наньша і прылеглымі акваторыямі. Правядзенне Кітаем мірнай будаўнічай дзейнасці, уключаючы размяшчэнне неабходнага для абароны абсталявання, з'яўляецца патрабаваннем абароны суверэнітэту і бяспекі краіны і натуральным правам суверэннай дзяржавы. Адпаведнае размяшчэнне не накіравана супраць якой-небудзь дзяржавы. Тым, хто ўварвецца ненаўмысна, не варта турбавацца або баяцца чаго-небудзь. Мы спадзяемся на аб'ектыўнае і цвярозае стаўленне да гэтага зацікаўленых бакоў.

Хуа Чуньін падкрэсліла, што Кітай з'яўляецца гандлёвай дзяржавай і рашучым прыхільнікам міру і стабільнасці ў рэгіёне. Кітай працягне супрацоўніцтва і аб'яднанне намаганняў з рознымі краінамі, а таксама абарону міру і стабільнасці ў раёне Паўднёва-Кітайскага мора.