Устараненне рознагалоссяў шляхам роўных кансультацый, а таксама падтрыманне здаровага і стабільнага развіцця гандлёва-эканамічных сувязяў паміж КНР і ЗША застаецца ў інтарэсах абодвух бакоў. Пра гэта заявіў у аўторак афіцыйны прадстаўнік МЗС Кітая Гэн Шуан на чарговай прэс-канферэнцыі.

Прадстаўнік Белага Дома паведаміў, што на наступным тыдні намеснік прэм'ера Дзяржсавета КНР Лю Хэ наведае з візітам Вашынгтон, каб працягнуць перамовы па двухбаковым гандлі.

Па словах Гэн Шуана, Кітай звярнуў увагу на заяву прадстаўніка Белага Дома, а таксама на тое, што ў чаканнях амерыканскага боку па дасягненні кансенсусу з Кітаем па гандлёвых пытаннях з'явіўся "пазітыўны сігнал".