Прэзідэнт ЗША Дональд Трамп у аўторак паведаміў, што дзяржсакратар Майкл Пампеа накіроўваецца ў КНДР для падрыхтоўкі яго сустрэчы з Кім Чэн Ынам, не назваўшы пры гэтым дату і месца сустрэчы.
Падчас свайго тэлевыступлення ў Белым доме Д. Трамп адзначыў, што план выконваецца, амерыканска-паўночнакарэйскія адносіны паступова ўсталёўваюцца. Ён выказаў спадзяванне на дасягненне ў будучыні пагаднення паміж дзвюма краінамі.
4 мая кіраўнік Белага дома заявіў, што неўзабаве абвесціць дату і месца яго сустрэчы з лідарам КНДР. Раней ён паведамляў, што ў якасці месца правядзення сустрэчы разглядаюцца дэмілітарызаваная зона паміж КНДР і РК і некаторыя краіны, у тым ліку Сінгапур. Прэзідэнт таксама адзначыў, што ён і Кім Чэн Ын сустрэнуцца ў траўні або пачатку чэрвеня. - Р -