Генеральны сакратар ААН Антоніу Гутэрыш самым рашучым чынам асудзіў серыю тэрактаў у Інданезіі. Пра гэта гаворыцца ў заяве, якую распаўсюдзіў у нядзелю яго афіцыйны прадстаўнік.
Адзначаецца, што на генеральнага сакратара ААН зрабіла жахлівае ўражанне інфармацыя аб тым, што да здзяйснення тэрактаў былі прыцягнутыя непаўналетнія. А. Гутэрыш выказаў спачуванні сем'ям загінуўшых і пажадаў хутчэйшага выздараўлення параненым.
Генеральны сакратар ААН выказаў падтрымку уладам і народу Інданезіі ў барацьбе з тэрарызмам і гвалтоўным экстрэмізмам.
Нагадаем, што ў інданэзійскай Сурабае 13 мая адбыліся тэракты ў трох цэрквах. У агульнай колькасці ахвярамі нападаў сталі 11 мірных жыхароў, яшчэ 41 чалавек атрымаў раненні. Па даных мясцовай паліцыі, тэракты здзейсніла сям'я з шасці чалавек, у тым ліку непаўналетнія. --0--