КНДР у пятніцу абвясціла, што гатовая сесці за стол перамоваў з ЗША ў любы час для ўрэгулявання існуючых паміж імі праблем, пасля таго, як амерыканскі бок адмяніў запланаваную сустрэчу з лідарам КНДР Кім Чэн Ынам.

Пхеньян выказаў шкадаванне з нагоды рашэння прэзідэнта ЗША Дональда Трампа адмяніць саміт з Кім Чэн Ынам, раней запланаваны на 12 чэрвеня ў Сінгапуры. Пра гэта паведаміла Цэнтральнае тэлеграфнае агенцтва Карэі (ЦТАК) са спасылкай на словы першага намесніка міністра замежных спраў Кім Ке Гвана.

Паводле яго слоў, рашэнне Д. Трамп не адпавядае імкненню міжнароднай супольнасці да дасягнення міру і стабільнасці на Карэйскім паўвостраве і ва ўсім свеце.

Нагадаем, што Д. Трамп у чацвер накіраваў ліст Кім Чэн Ыну, заявіўшы, што іх запланаваная сустрэча не адбудзецца.