Адказваючы на пытанне журналіста аб самавольным заходзе ваенных караблёў ЗША ў тэрытарыяльныя воды ля кітайскіх астравоў Сіша, афіцыйны прадстаўнік Міністэрства замежных спраў КНР Лу Кан заявіў, што кітайскі бок выказвае рэзкую нязгоду і рашучы пратэст супраць адпаведных дзеянняў амерыканскага боку, рашуча заклікае амерыканскі бок неадкладна спыніць падобныя правакацыйныя дзеянні, якія робяць замах на суверэнітэт Кітая і ставяць пад пагрозу яго бяспеку.
Лу Кан адказаў, што 27 траўня караблі "Хігінс" і "Энтытэм" ВМС ЗША без дазволу ўрада Кітая самавольна зайшлі ў тэрытарыяльныя воды блізу кітайскіх астравоў Сіша. ВМС НВАК у адпаведнасці з заканадаўствам ажыццявілі праверку прыналежнасці амерыканскіх караблёў, а таксама іх папярэджанню і выцясненню.
Лу Кан паведаміў, што чарговая адпраўка амерыканскім бокам ваенных караблёў для самавольнага заходу ў тэрытарыяльныя воды паблізу кітайскіх выспаў Сіша парушае заканадаўства Кітая і адпаведныя нормы міжнароднага права, з'яўляецца сур'ёзным замахам на суверэнітэт Кітая, падрывам міру, бяспекі і спрыяльнага парадку ў адпаведнай акваторыі. Кітайскі бок працягне прымаць усе неабходныя меры для абароны дзяржаўнага суверэнітэту і бяспекі.