Пятнаццаць кітайскіх касманаўтаў толькі што завяршылі трэніроўкі па выжыванні ў пустыні Бадан-Джарэнг непадалёк ад касмадрома Цзюцюань (Паўночна-Заходні Кітай).
Праграма трэніровак, арганізаваных Кітайскім цэнтрам падрыхтоўкі касманаўтаў, прадугледжвала падрыхтоўку касманаўтаў да выжывання ў пустыннай мясцовасці, калі капсула, што спускаецца, адхіліцца ад зоны прызямлення.
Касманаўты перад адпраўкай у космас павінны ў рамках тэхнічнай падрыхтоўкі навучыцца выжываць у розных варожых умовах. Трэніроўкі па выжыванні ў дзікай прыродзе з'яўляюцца важнай часткай падрыхтоўкі касманаўтаў ва ўсіх сусветных касмічных агенцтвах. Кандыдатаў на ўдзел у касмічных місіях пакідаюць у моры, пустынях, джунглях ці на ледніках.
Кітай плануе пачаць зборку сваёй касмічнай станцыі ў космасе ў 2020 годзе. Згодна з планамі, на поўную моц станцыя запрацуе каля 2022 года.