Адміністрацыя прэзідэнта ЗША Дональда Трампа плануе ўвесці карныя пошліны на імпарт сталі і алюмінія з Еўрасаюза. Афіцыйная заява можа быць зроблена ўжо ў чацвер. Пра гэта ў сераду паведаміла амерыканская газета "Уол-стрыт джорнэл" са спасылкай на дасведчаныя крыніцы.

Адзначаецца, што дадзеная мера амаль напэўна пацягне за сабой дзеянні ў адказ з боку ЕС, які раней прыгразіў ЗША павышэннем тарыфаў на ўвоз такіх тавараў, як матацыклы, джынсы і бурбон.

Прэзідэнт ЗША Дональд Трамп у сакавіку абвясціў аб увядзенні пошлін на імпарт сталі і алюмінія ў памеры 25 і 10 прац. адпаведна. Для шэрагу гандлёвых партнёраў дзеянне гэтых тарыфаў прыпынена да 1 чэрвеня.