Кітай мае намер яшчэ больш скараціць імпартныя тарыфы на спажывецкія тавары, пачынаючы з 1 ліпеня. Пра гэтае рашэнне было абвешчана на пасяджэнні Дзяржсавета, на якім старшыняваў прэм'ер Дзяржсавета Лі Кэцян у сераду.
Сярэдняя стаўка тарыфу на адзенне, абутак, галаўныя ўборы, кухонны посуд, спартыўныя і фітнес прыналежнасці будзе паніжана з 15,9 да 7,1 %, а на бытавую тэхніку, такую як пральныя машыны і халадзільнікі з 20,5 да 8 працэнтаў.
Сярэдняя стаўка тарыфу на культываваную і вылаўленую рыбную прадукцыю, перапрацаваныя прадукты, такія як мінеральная вада, будуць скарочаныя з 15,2 да 6,9 %, гаворыцца ў заяве, апублікаванай па выніках нарады.
Сярэдняя стаўка тарыфу на сродкі для мыцця, касметыку, уключаючы прадукты па догляду за скурай і валасамі, а таксама некаторыя лекі і медыцынскую прадукцыю можа быць паніжаная з 8,4 да 2,9 працэнта.
Дзяржсавет заклікаў да зніжэння тарыфаў у рамках павышэння адкрытасці, задавальнення патрэбаў людзей і павышэння якасці і мадэрнізацыі прамысловасці.
Кітай прыме шэраг мер, каб стварыць больш сумленны, празрысты і спрошчаны інвестыцыйны клімат для кампаній з замежным фінансаваннем, уключаючы спрашчэнне доступу на рынак, садзейнічанне інвестыцыям і паляпшэнне абароны законных інтарэсаў замежных інвестараў.
Дзяржсавет таксама прыняў рашэнне аб стварэнні сістэмы рэабілітацыі і аказанні дапамогі дзецям з інваліднасцю. Пачынаючы з 1 кастрычніка, дзецям з парушэннямі зроку, слыху, маўлення, з фізічнымі або псіхічнымі адхіленнямі, а таксама дзецям з расстройствамі аутычнага спектру, будзе аказана адпаведная дапамога, уключаючы аперацыі, дапаможныя прылады і рэабілітацыйную падрыхтоўку.