Сфармуляваныя старшынёй КНР Сі Цзіньпінам тэзісы з'яўляюцца прыкладам адказнага і канструктыўнага падыходу да фарміравання сучаснай светабудовы. Пра гэта заявіў старшыня Выканаўчага камітэта СНД Сяргей Лебедзеў у эксклюзіўным інтэрв'ю з кар. агенцтва Сіньхуа, адзначыўшы тое, што Кітай не "ўводзіць" замежныя мадэлі, але і не "экспартуе" кітайскую мадэль, не патрабуе, каб іншыя краіны капіравалі практыку Кітая.

С. Лебедзеў адзначыў, што ў апошні час мы з'яўляемся сведкамі таго, як розныя цэнтры сілы спрабуюць навязваць суверэнным краінам чужую ім мадэль развіцця. У шэрагу выпадкаў справа даходзіць да ўзброенага ўмяшання, заахвочвання радыкальных сіл у мэтах звяржэння легітымных урадаў, аказання палітычнага і эканамічнага ціску. Усё гэта прыводзіць да росту напружанасці, распаўсюджвання крызісных сітуацый на новыя краіны і рэгіёны.

Паводле яго слоў, у дадзеным кантэксце сфармуляваныя Сі Цзіньпінам тэзісы маюць асаблівую актуальнасць і значнасць.

Як адзначыў старшыня выканкама СНД, рост уплыву Кітая на сусветнай арэне з'яўляецца аб'ектыўным і бясспрэчным фактарам. "Пры гэтым падкрэслю, што гэты ўплыў носіць пазітыўны для сусветнай эканомікі і палітыкі характар, у адрозненне ад некаторых іншых дзяржаў, што беспадстаўна прэтэндуюць на ролю сусветнага лідара", - сказаў ён.