У пятніцу ў канадскім гарадку Шарлевуа (правінцыя Квебек) адкрыўся саміт краін "Групы сямі", у якім прынялі ўдзел лідары ўсіх краін-членаў групы.

На двухдзённым саміце абмяркоўваюцца пяць асноўных тэм: інклюзіўны эканамічны рост, гендэрная роўнасць і надзяленне жанчын правамі, мір і бяспека на ўсёй планеце, будучыя магчымасці працоўнай занятасці, змяненне клімату, мора і чыстыя крыніцы энергіі. Як адзначаюць СМІ, у сувязі з тым, што адміністрацыя ЗША прыняла рашэнне спаганяць з 1 чэрвеня новыя пошліны на сталь і алюміній з ЕС, Канады і Мексікі, праблема гандлю, хутчэй за ўсё, будзе ў фокусе ўвагі.