Кітай будзе працаваць над зніжэннем фінансавай напружанасці і высокіх выдаткаў у галіне фінансавання невялікіх кампаній на фоне спробаў скараціць выдаткі ў рэальным сектары эканомікі, якія працягваюцца. Пра гэта заяўлена на пасяджэнні Дзяржсавета КНР пад старшынствам прэм'ера Дзяржсавета КНР Лі Кэцяна.
Краіна будзе праводзіць абачлівую і нейтральную манетарную палітыку, захоўваць ліквіднасць на мэтанакіраваным і дастатковым узроўні, рэалізоўваць фінансавую стабільнасць, узмацняць агульную каардынацыю дзеянняў на палітычным узроўні, каб узмацніць тэндэнцыі стабільнага і здаровага эканамічнага росту, павысіць упэўненасць рынку, дамагчыся адносна эфектыўнай занятасці насельніцтва і забяспечыць эканамічны рэжым працы ў неабходных межах, гаворыцца ў заяве па выніках пасяджэння.
На пасяджэнні таксама было прынята рашэнне аб паскарэнні працэсу зацвярджэння новых лекаў, узмацненні мер па зніжэнні коштаў на супрацьракавыя лекі, а таксама вырашэнні пытання дэфіцыту пэўных лекаў.