Паводле папярэдніх вынікаў падліку галасоў, дзеючы прэзідэнт Турцыі Рэджэп Таіп Эрдаган атрымаў перамогу на прэзідэнцкіх выбарах, якія прайшлі ў нядзелю.
Па выніках падліку 97,2 прац. бюлетэняў, Рэджэп Таіп Эрдаган атрымаў падтрымку 52,6 прац. выбаршчыкаў. Кандыдат ад Народна-рэспубліканскай партыі Турцыі / НРП / Мухарэм Інджэ набраў 30,8 прац. галасоў, заняўшы другое месца сярод шасці прэтэндэнтаў на пасаду кіраўніка дзяржавы.
Нагадаем, што пасля сёлетніх выбараў Турцыя пяройдзе ад парламенцкай сістэмы праўлення да прэзідэнцкай.