У паўднёвакарэйскім горадзе Седжон у аўторак адбыўся пажар на будаўнічай пляцоўцы. Па папярэдніх дадзеных, пацярпелі 12 грамадзян Кітая.

Пасольства КНР у РК пацвердзіла кар. Сіньхуа, што на месцы здарэння знаходзіліся кітайскія грамадзяне. Дыппрадстаўніцтва запусціла механізм рэагавання на надзвычайныя сітуацыі і ўсталявала сувязь з адпаведнымі мясцовымі ведамствамі. Рабочая група амбасады на чале з кіраўніком консульскага аддзела выехала ў Седжон. Да цяперашняга моманту пацярпелыя кітайскія грамадзяне былі дастаўлены ў мясцовыя бальніцы. Пасольства звярнулася да паўднёвакарэйскага боку з просьбай прыкласці ўсе намаганні для іх лячэння.

Як паведамляюць мясцовыя СМІ, пажар пачаўся ў 13:16 па мясцовым часе. Усяго пацярпелі 27 чалавек, яшчэ чацвёра зніклі без вестак.