Палата прадстаўнікоў Нацыянальнага сходу Беларусі ратыфікавала пагадненне паміж урадамі Беларусі і Кітая аб узаемным бязвізавым рэжыме для ўладальнікаў звычайных пашпартоў. Дакумент быў падпісаны 10 чэрвеня ў Ціндаа правінцыі Шаньдун падчас рабочага візіту прэзідэнта Беларусі ў КНР.
Як чакаецца, пагадненне ўступіць у дзеянне на працягу 30 дзён пасля выканання бакамі працэдур ратыфікацыі.
У адпаведнасці з пагадненнем грамадзяне адной з дзвюх краін змогуць знаходзіцца ў іншай краіне без візы да 30 дзён у рамках адной паездкі, але не больш за 90 дзён за год.
- Р -