Старшыня КНР Сі Цзіньпін у нядзелю адправіў тэлеграму на 31-ы саміт Афрыканскага саюза / АС / у сталіцу Маўрытаніі Нуакшот, у якой горача павіншаваў краіны і народы Афрыкі з правядзеннем саміту.

Сі Цзіньпін адзначыў, што АС актыўна прасоўвае працэс інтэграцыі Афрыкі, афрыканскія краіны працягваюць выступаць адным голасам па важных міжнародных і рэгіянальных пытаннях, іх здольнасць да захавання міру і стабільнасці пастаянна павышаецца. Ён шчыра пажадаў, каб афрыканскія краіны пад кіраўніцтвам АС бесперапынна дамагаліся яшчэ большага поспеху.

Сі Цзіньпін падкрэсліў, што ў верасні гэтага года пройдзе пекінскі саміт у рамках Форуму па кітайска-афрыканскім супрацоўніцтве. Кітай будзе сумесна з афрыканскімі краінамі выводзіць кітайска-афрыканскія ўсебаковыя адносіны стратэгічнага супрацоўніцтва і партнёрства на новы ўзровень. Ён выказаў спадзяванне на тое, што разам з лідарамі афрыканскіх краін яны правядуць саміт у Пекіне, абмяркуюць супрацоўніцтва і развіццё двух бакоў, унясуць уклад у павышэнне дабрабыту народа Кітая і Афрыкі і садзейнічанне міру і развіццю на планеце.