Памочнік прэзідэнта ЗША па нацыянальнай бяспецы Джон Болтан паведаміў, што ЗША распрацавалі праграму, якая дазволіць на працягу аднаго года дэмантаваць большасць аб'ектаў па распрацоўцы ядзернай зброі і балістычных ракет у КНДР.
Дж. Болтан у інтэрв'ю праграме "Тварам да нацыі" на тэлеканале Сі-бі-эс заявіў, што дзяржсакратар ЗША Майкл Пампея ў бліжэйшы час сумесна з паўночнакарэйскім бокам правядзе кансультацыі па гэтай праграме. Дж. Болтан адзначыў, што калі КНДР у гэтай сувязі прыме стратэгічнае рашэнне і выкажа жаданне супрацоўнічаць з ЗША, то амерыканскі бок хутка пачне дзейнічаць.