Канферэнцыя па справах ветэранаў адбылася на днях у горадзе Шыцзячжуан (адміністрацыйны цэнтр прав. Хэбэй, Паўночны Кітай). Удзельнікі канферэнцыі заклікалі да лепшай абароны законных правоў і інтарэсаў адстаўных вайскоўцаў шляхам рэалізацыі палепшанай палітыкі і мер.

Член Палітбюро ЦК КПК, віцэ-прэм'ер Дзяржсавета КНР Сунь Чуньлань, член Палітбюро ЦК КПК, сакратар Палітыка-юрыдычнай камісіі ЦК КПК Го Шэнкунь, а таксама член Дзяржсавета КНР, міністр грамадскай бяспекі КНР Чжаа Кэчжы прысутнічалі і выступілі з прамовамі на канферэнцыі.

На канферэнцыі было прапанавана ўдасканаліць сістэму паслуг, аказваць добрую падтрымку адстаўным вайскоўцам у пошуку працы, адкрыцці бізнесу, адукацыі і навучанні, а таксама прадастаўляць неабходную дапамогу тым, хто жыве ў дрэнных умовах.

Прадстаўнікі з шэрагу кітайскіх гарадоў і правінцый, уключаючы Пекін, прав. Хэбэй, Шаньдун і Хунань, абмяняліся вопытам па справах адстаўных вайскоўцаў на канферэнцыі.

У красавіку ў Кітаі было створана Міністэрства па справах ветэранаў.