Беларусь ратыфікавала міжурадавае пагадненне з Кітаем аб узаемным бязвізавым рэжыме для ўладальнікаў звычайных пашпартоў. Адпаведны закон падпісаны прэзідэнтам Беларусі, паведамляецца на Нацыянальным прававым інтэрнэт-партале.
Пагадненне ўступіць у сілу на працягу 30 дзён пасля выканання бакамі працэдур ратыфікацыі і ўзаемнага апавяшчэння адзін аднаго.
Беларусы змогуць знаходзіцца ў Кітаі без візы да 30 дзён у адной паездцы, але не больш за 90 дзён у годзе. Такое ж правіла будзе дзейнічаць для кітайскіх грамадзян. Калі чалавек захоча заставацца ў краіне больш за 30 дзён або займацца вучэбнай, прафесійнай дзейнасцю, трэба будзе атрымліваць адмысловую візу. Бязвізавы рэжым распаўсюджваецца ў тым ліку на прыватныя і турыстычныя паездкі, бізнес-камандзіроўкі.