Афіцыйны прадстаўнік Міністэрства камерцыі КНР у сераду зрабіў заяву ў сувязі з публікацыяй ЗША спісу кітайскіх тавараў на суму 200 млрд долараў, у дачыненні да якіх будуць уведзены дадатковыя пошліны. "Новы спіс цалкам непрымальны, і мы выказваем з гэтай нагоды рашучы пратэст», – падкрэсліў ён. "Дзеянні ЗША наносяць шкоду не толькі Кітаю і свету, але і самім сабе, падобныя вар'яцкія паводзіны не атрымаюць падтрымкі", - сказаў ён.
Афіцыйны прадстаўнік Мінкамерцыі адзначыў, што кітайскі бок вельмі здзіўлены дзеяннямі ЗША. У мэтах забеспячэння ключавых інтарэсаў краіны і карэнных інтарэсаў народа кітайскі ўрад вымушаны прыняць неабходныя контрмеры.
"Мы заклікаем міжнародную супольнасць аб'яднаць намаганні, разам абараніць правілы свабоднага гандлю і шматбаковую гандлёвую сістэму, даць сумесны адпор буінгу ў галіне гандлю", – сказаў прадстаўнік Мінкамерцыі. "Апроч таго, мы маем намер неадкладна накіраваць скаргу ў СГА ў сувязі з аднабаковымі мерамі ЗША", – сказаў ён. - Р -