Кітайскі аўтавытворца Great Wall Motor у аўторак абвясціў аб стварэнні сумеснага прадпрыемства з BMW Holding па выпуску аўтамабіляў, якія працуюць на новых крыніцах энергіі (NEV). Пры гэтым кожны з бакоў будзе трымаць 50% акцый новай структуры.
Па паведамленні Great Wall Motor, статутны капітал новага СП пад назвай Sportlight Automotive складае 1,7 млрд юаняў – па 850 млн юаняў ад кожнай кампаніі. Пры гэтым агульны аб'ём інвестыцый – 5,1 мільярда юаняў, і астатняя частка пакрываецца самім СП па іншых каналах.
Новая кампанія, зарэгістраваная ў г. Чжанцзяган правінцыі Цзянсу, будзе ўдзельнічаць у даследаваннях, распрацоўцы і вытворчасці NEV.
Стандартная гадавая вытворчая магутнасць створанага СП ацэньваецца ў 160 тыс. адзінак аўтамабіляў. Маштаб гадавой вытворчасці можа быць павялічаны ў залежнасці ад вытворчага плана СП, адзначаецца ў паведамленні. - Р -