Моцныя дажджы на захадзе Японіі забралі жыцці 176 чалавек. Пра гэта 11 ліпеня на прэс-канферэнцыі ў Токіа паведаміў генеральны сакратар кабінета міністраў Есіхідэ Суга.
11 ліпеня магутныя ліўні прадоўжыліся ў некаторых раёнах бедства. У найбольш пацярпелай прэфектуры Хірасіма існуе пагроза выхаду з берагоў некалькіх вадаёмаў. Улады гарадоў Фукуяма і Хігасіхірасіма гэтай прэфектуры апублікавалі планы эвакуацыі жыхароў у небяспечных раёнах.
Паводле інфармацыі японскіх СМІ, каля 7200 чалавек з 15 прэфектур прыбылі ў дзяржаўныя прытулкі, 244 тыс. сем'яў засталіся без водазабеспячэння, а ў прэфектуры Акаяма затопленыя 14 тыс. будынкаў.
Гэта самы разбуральны лівень у Японіі за апошнія 30 гадоў.