Афіцыйны прадстаўнік МЗС КНР Хуа Чуньін абвергла выказванні высокапастаўленага чыноўніка ЗША, які абвінаваціў Кітай у двухбаковых гандлёвых спрэчках.

Згодна з паведамленнем, старшыня Нацыянальнага эканамічнага савета Белага дома Лары Кудлау сказаў, што ЗША і Кітай не змаглі дасягнуць пагаднення па ўрэгуляванні гандлёвых спрэчак, і Кітай павінен узяць на сябе адказнасць за гэта. Калі Кітай вылучыць здавальняючы варыянт, то ЗША змогуць спыніць увядзенне дадатковых пошлін на кітайскія тавары.

Хуа Чуньін на чарговай прэс-канферэнцыі адзначыла, што кітайскі бок з самай вялікай шчырасцю і цярпеннем прасоўвае ўрэгуляванне рознагалоссяў шляхам дыялогу і кансультацый і прыкладае максімум намаганняў, каб пазбегнуць эскалацыі гандлёвых трэнняў. Паводле яе слоў, выказванні Л. Кудлау скажаюць факты. Адвольныя і неабгрунтаваныя рашэнні, а таксама незразумелыя паводзіны амерыканскага боку з'яўляюцца прамой і асноўнай прычынай развіцця і эскалацыі гандлёвых спрэчак. Кітай прасякнуты ўпэўненасцю і ў сілах абараняць свае законныя інтарэсы і разам з іншымі краінамі абараняць міжнародныя правілы і сістэму шматбаковага гандлю, адзначыла яна. - Р -