5-ы кітайска-афрыканскі народны форум праходзіць 23 ліпеня ў Чэнду – адміністрацыйным цэнтры правінцыі Сычуань. Старшыня КНР Сі Цзіньпін накіраваў віншавальны ліст на яго адрас. У ім Сі Цзіньпін выказаў гарачыя віншаванні ў сувязі з адкрыццём форуму, шчыра павітаў дзяржаўных кіраўнікоў і прадстаўнікоў розных колаў афрыканскіх краін, якія прымаюць удзел у форуме.
"Кітайска-афрыканскі народны форум з'яўляецца важным мостам паміж народамі Кітая і Афрыкі", – канстатаваў Сі Цзіньпін. Паводле яго слоў, за гады свайго існавання форум дасягнуў пазітыўных вынікаў, дамогся інстытуцыяналізацыі і адыграў важную ролю ў садзейнічанні сяброўскім абменам і супрацоўніцтву паміж народамі двух бакоў.
Сі Цзіньпін падкрэсліў, што дружба паміж народамі з'яўляецца важнай асновай міждзяржаўных сувязяў і важным напрамкам развіцця адносінаў паміж Кітаем і Афрыкай.
Цяперашні форум закліканы надаць магутны імпульс абменам і супрацоўніцтву паміж народамі двух бакоў, указаў ён. - Р -