Паліцыя правінцыі Цзілінь пачала расследаванне ў дачыненні да пяці чалавек з мясцовай кампаніі па вытворчасці вакцын па падазрэнні ў здзяйсненні злачынства ў працэсе вытворчасці вакцыны супраць шаленства для людзей. Як паведаміла аддзяленне Упраўлення грамадскай бяспекі горада Чанчунь, пад следства трапілі старшыня праўлення, а таксама чатыры высокапастаўленыя менеджары Чанчуньскай кампаніі Changchun Changsheng Life Sciences. Падставай для распачынання гэтай справы сталі матэрыялы, перададзеныя правінцыйным упраўленнем па наглядзе за прадуктамі харчавання і лекавымі сродкамі.

Прадстаўнік Дзяржаўнага ўпраўлення кантролю за прадуктамі харчавання і лекавымі сродкамі ў нядзелю заявіў, што кампанія сфабрыкавала ўліковыя даныя аб вытворчасці і даныя аб праверцы якасці прадукцыі, самавольна змяніла тэхналагічныя параметры і замяніла абсталяванне ў працэсе вытворчасці субліміраванай вакцыны ад шаленства.

Дзяржупраўленне анулявала выдадзены кампаніі сертыфікат належнай вытворчай практыкі з-за сур'ёзнага парушэння адпаведных законаў і палажэнняў і запатрабавала адклікаць усе нявыкарыстаныя вакцыны. - Р -