Прэм'ер Дзяржсавета КНР Лі Кэцян сёння ў другой палове дня ў дзяржаўнай рэзідэнцыі "Чжуннаньхай" сустрэўся са старшынёй палаты прадстаўнікоў Японіі Тадаморы Асімай.

Лі Кэцян заявіў, што здаровае і стабільнае развіццё кітайска-японскіх адносін спрыяльнае не толькі для дзвюх краін і іх народаў, але і для міру, стабільнасці і працвітання рэгіёна. Ён выказаў спадзяванне, што бакі будуць рэалізоўваць раней дасягнутыя дамоўленасці, прасоўваць далейшае развіццё міждзяржаўных адносін у нармальным рэчышчы.

Лі Кэцян адзначыў, што Кітай працягне пашыраць адкрытасць і доступ на свой рынак, а таксама вітае пашырэнне супрацоўніцтва буйных замежных кампаній, у тым ліку японскіх, з Кітаем.

Тадаморы Асіма заявіў, што Японія мае намер, прытрымліваючыся прынцыпаў падпісаных Японіяй і Кітаем палітычных дакументаў, садзейнічаць развіццю міждзяржаўных адносін. Бакі нясуць адказнасць за перадачу гэтай канцэпцыі будучым пакаленням. Японія мае намер сумесна з Кітаем узмацняць усебаковыя сувязі паміж заканадаўчымі органамі дзвюх краін і сумесна садзейнічаць стабільнаму развіццю міждзяржаўных адносін. - Р -