Сустрэча прэзідэнтаў ЗША і РФ, запланаваная на восень, перанесена на наступны год, паведаміў у сераду памочнік прэзідэнта ЗША па нацыянальнай бяспецы Джон Болтан. Паводле яго слоў, кіраўнік Белага дома Дональд Трамп лічыць, што яго наступная сустрэча з прэзідэнтам РФ Пуціным павінна адбыцца пасля таго, як у ЗША завершыцца "паляванне на ведзьмаў, звязанае з Расіяй". Адпаведныя бакі ўжо далі згоду на правядзенне іх наступнай сустрэчы ў 2019 годзе.
Лідары дзвюх краін 16 ліпеня сустрэліся ў Хельсінкі. Гэта была іх першая афіцыйная гутарка пасля ўступлення Д. Трампа на пост прэзідэнта ЗША. - Р -