Самалёт авіякампаніі Aeromexico быў збіты парывам ветру неўзабаве пасля ўзлёту, пасля чаго ён страціў хуткасць і ўпаў на левае крыло. Пра гэта паведаміў у аўторак губернатар штата Дурангі Хасэ Айспура.
Па меншай меры 85 чалавек з 103 пасажыраў і членаў экіпажа пацярпелі ў выніку аварыі. Х.Айспура на прэс-канферэнцыі заявіў, што самалёт Embraer 190, які рухаўся па маршруце паміж Дуранга і Мехіка, упаў на зямлю гарызантальна, што дазволіла ўсім людзям пакінуць самалёт перад тым, як ён загарэўся.
Раней губернатар на сваёй старонцы ў "Твітэры" напісаў, што ўсе людзі на борце самалёта выжылі, у той час як пілот быў шпіталізаваны ў цяжкім, але стабільным стане. - Р -